القواعد العامة للتفوق في الجامعة
===================================
1- استعين بالله واعلم انه هو المعطى والمانع وبيده مقاليد كل شئ
2- اقرا المحاضرات كويس كل يوم ولو قراية سريعة
3- اعمل ملخصات لنفسك في ورق نضيف ومكتوب بخط حلو
4- بلاش دروس خصوصية... انت كبرت خلاص
5- متنفضش للمحاضرة وتقعد انت واصحابك في الكافيتريا!!
6- درجات الميد ترم مهمة
7- متركنش مذاكرة المحاضرات لوقت الميد الترم والفاينال
8- يوم الجمعة فرصة حلوة انك تظبط محاضرات الاسبوع كله
9- متشتريش اي ورق من برة ... خليك في المحاضرة وريح نفسك
10- لو الكتاب بتاع الجامعة غالي متشتريهوش ... كمل عليه وهات كوتشي
11- متنامش في المحاضرة
12- ركزي مع الدكتور وهوا بيشرح وبلاش رسم قلوب ودباديب في الكشكول
13- لو الدكتور طلب منكوا واجب اعمله عشان بيبقى عليه درجات يا ناصح
14- المرجع الاساسي لاي مادة هيا المحاضرة ثم المحاضرة ثم المحاضرة
15- متنساش تقرا المحاضرات لما تروح البيت
16- افهم الاول وبعدين احفظ براحتك
17-هات امتحانات السنين اللى فاتت وحلها( هتلاقيها فى المكتبة )
18- العملي عليه درجات مش قليلة اهتم بيه شوية
19- لو مفهمتش حاجة من الدكتور ارفع ايدك واسأله مش عيب على فكرة
20- وانت في طريقلك للجامعة ... استغل الوقت ده في حاجة مفيدة
21- تقدير مقبول ده انساه خالص اعتبره مش موجود في الوجود!!
22- لو بتخلص محاضرات في اخر اليوم متاخر برضه اقراها لما تروح
23- لو سقطت في مادة فدي مش نهاية الكون ... محدش بيتعلم ببلاش
24- لو بتفكر تتعين معيد .. اعمل حسابك على امتياز طول الاربع سنين
25- متذاكرش بالليل وتصحى مرهق! نام بدري واصحى الفجر ذاكر
26- استغل الاجازة الكبيرة في حفظ قران او كورس كمبيوتر ولا لغة ... الاجازة مش للنوم
27- الكمبيوتر مهم جدا ... لازم تتعلمه
28- الانجليزي مهم اكتر منه لو مستواك ضعيف فيه هتخسر كتير
29- مفيش مادة رخمة في الكلية؛ لكن فيه مواد بتحتاج مذاكرة اكتر
30- متذاكرش اكتر من مادتين مختلفين في يوم واحد
31- وانت في الاوضة بتذاكر، اقرا بصوت عالي ومسموع كأنك بتشرح لحد معاك
32- الانترنت في البيت زي المية والنور ...
33- مش شرط ان اللى جاب تقدير اعلى منك انه يكون بيفهم عنك!
34- الدراسة الجامعية مجرد مرحلة في حياتك متديهاش اكبر من حجمها
35- اخرجوا ورفهوا عن نفسكوا ... لازم تفصل من مود المذاكرة شوية
